Hrefnuveiðimenn vinna nú að því að breyta skipi sínu Hrafnreyði KÓ - 100 í ferða- og skoðunarskip. Ekki verður þó um það miklar breytingar að ræða að skipið verði óhæft til að halda hrefnuveiðum áfram. Einungis er um að ræða breytingar er snúa að öryggi farþega og fleira.

Þá verður sett upp fræðsla á millidekki með myndum af hrefnuveiðum fyrr og nú. Einnig verða þar til sýnis ýmsir hlutir af og úr hrefnu, s.s. hjarta, heili, sporður, skíði og fleira.

Í ferðunum er ekki ætlunin að skjóta dýr, heldur einungis að skjóta "vind" skoti úr byssunni með tilheyrandi látum. Boðið verður uppá hrefnukjöt í ferðunum og fólki gefin kostur á að kaupa sér eitthvað til að skola því niður með.

Matseðilinn verður nokkuð fjölbreyttur þó aðeins sé um að ræða hrefnujöt og má þar helst nefna..

Grillað hrefnukjöt

Hrátt hrefnukjöt  með wasabi, engifer og soya sósu

Grafið hrefnukjöt í melónu

Reykt hrefnukjöt

Þurrkað hrefnukjöt

og svo að sjálfsögðu súran hval

Sérstök heimasíða hefur verið sett upp fyrir erlenda ferðamenn og aðra www.whaler.is

Skipverjar á Hrafnreyði KÓ lönduðu þremur dýrum í morgun við Kópavogshöfn. Dýrin voru öll veidd í Faxaflóanum í gær. Lífið er mikið í Faxaflóa þessa dagana, hreinlega allt fullt af hrefnu. Hrefnurnar voru allar meðalstórar eða um 7 metrar að lengd. Dýrin eru farin að ná góðum forða á sig og eru orðin mun feitari núna en fyrr í sumar, jafnvel feitari en í fyrra. Magainnihald er yfirleitt svipað í faxaflóanum, síli að mestum hluta.

Hrafnreyður KÓ - 100 landaði þremur dýrum nú undir kvöld. Tveir tarfar, báðir frekar stórir og eitt kvendýr. Þar með hafa Hrefnuveiðimenn dregið að landi 42 dýr í sumar. Kjötið af dýrunum verður skorið í neytendapakkningar í fyrramálið og dreift í verslanir fyrir helgi.

Hrefnuveiðimenn hafa fengið 37 hrefnur það sem af er sumri. Hrafnreyður KÓ - 100 mun landa tveim dýrum í fyrramálið við Kópavogshöfn. Kjötið mun fara beint í kjötvinnslu Hrefnuveiðimanna við Bakkabraut og pakkað í neytendapakkningar.

Sala á hrefnukjöti er nú í fullum gangi og verður áfram á meðan veiðar standa yfir.