Skipverjar á Hrafnreyði KÓ lönduðu þremur dýrum í morgun við Kópavogshöfn. Dýrin voru öll veidd í Faxaflóanum í gær. Lífið er mikið í Faxaflóa þessa dagana, hreinlega allt fullt af hrefnu. Hrefnurnar voru allar meðalstórar eða um 7 metrar að lengd. Dýrin eru farin að ná góðum forða á sig og eru orðin mun feitari núna en fyrr í sumar, jafnvel feitari en í fyrra. Magainnihald er yfirleitt svipað í faxaflóanum, síli að mestum hluta.