Hrafnreyður KÓ-100 var við veiðar í Faxaflóa í gær og veiddi eina hrefnu. Þar með hafa Hrefnuveiðimenn veitt 46 dýr í sumar. Dýrinu verður landað við Hafnarfjarðarhöfn í dag og fer beint í vinnslu hjá Kjötvinnslu Hrefnuveiðimanna. 

Sala á hrefnukjöti hefur gengið vel í sumar, þrátt fyrir að ekki hafi verið jafnmikið um grilldaga eins og síðastliðin ár. Veiðar koma til með að halda áfram út ágúst og ferskt hrefnukjöt í boði á þeim tíma.