Hrafnreyður ehf. hefur hafið sölu á Súrum hval fyrir Þorrann. Hægt er að fá hvalinn afgreiddan vakúmpakkaðann í minni einingum og allt upp í heilar tunnur (70 kg).

Einnig er eitthvað til af súru hrefnurengi og söltuðu halspiki.

 Marinerað hrefnukjöt verður til sölu í flestum verslunum í vetur og því mögulegt að halda veislunni áfram. Kjötvinnsla Hrefnuveiðimanna mun vinna kjöt fram eftir vetri þar til það klárast. Stefnan verður síðan tekin á að hefja veiðar aftur í apríl 2012. 

 Hrefnuveiðimenn fá þrjú dýr inn til vinnslu nú í upphafi vikunnar. Hrafnreyður veiddi tvö dýr um helgina og Konráð Eggertsson tók eina. Veiðin mun halda áfram út september bæði hér í Faxaflóa og  í Ísafjarðardjúpi.

Mikið hefur verið rætt um skort á kjöti í verslunum og kjötborðum landsins. Hrefnuveiðimenn vilja benda á að engin skortur er á hrefnukjöti og verður engin skortur á hrefnukjöti allt þetta ár. Hrefnukjöt er hægt að kaupa ferskt á meðan veiðar standa, bæði marinerað og ómarinerað. Hrefnukjöt er síðan hollasta kjöt sem hægt er að fá ríkt af Omega 3 fitusýrum, 26 gr af Próteini og einungis 0,9 g af fitu í hverjum 100 grömmum. Hrefnukjöt fæst í öllum verslunum landsins.

Verði ykkur að góðu

 Hrefnuveiðimenn hafa tekið 48 dýr í sumar og þar með veitt jafn mikið og allt síðasta sumar. Það má því gera ráð fyrir því að eitthvað fleiri dýr verði tekin í ár.

Hrafnreyður KÓ-100 var við veiðar í Faxaflóa í gær og veiddi eina hrefnu. Þar með hafa Hrefnuveiðimenn veitt 46 dýr í sumar. Dýrinu verður landað við Hafnarfjarðarhöfn í dag og fer beint í vinnslu hjá Kjötvinnslu Hrefnuveiðimanna. 

 Hrefnuveiðimenn eru búnir að veiða 44 hrefnur í sumar. Tvær hrefnur voru veiddar í Faxaflóa í gær. Dýrin voru bæði mjög stór, annað tarfur og hin belja. Magi hrefnunnar er fullur af Makríl þessa dagana og mikil ferð er á dýrunum þar sem þær eru að elta Makrílinn.

Hrafnreyður KÓ  mun landa við Hafnarfjarðarhöfn í fyrramálið einu dýri og hafa því veitt 38 dýr það sem af er þessu sumri. Skipið mun fara út aftur að lokinni löndun og halda hrefnuveiðum áfram.

 Hrafnreyður KÓ landaði í morgun tveimur hrefnum við Hafnarfjarðarhöfn og hafa því landað 32 dýrum það sem af er sumri. Veiðarnar ganga mjög vel þessa dagana og mikið er af hrefnu í Faxaflóa. Dýrin er nokkuð vel á sig komin og undantekningalaust er magin fullur af fiski. 

 Hrefnuveiðarnar ganga mjög vel um þessar mundir, búið er að veiða 28 dýr. Tveimur dýrum verður landað í fyrramálið við Hafnarfjarðarhöfn, en eftir það halda skipverjar Hrafnreyðar út aftur til áframhaldandi veiða. Veidd verða tvö dýr á morgun og komið til vinnslu fyrir helgi. Framundan eru tvær stærstu grill vikur ársins og því um að gera að bjóða upp á nóg af hrefnukjöti í yfir 100 verslunum á landinu...sem aldrei fyrr!!

 Hrefnuveiðar ganga mjög vel þessa dagana. Hrafnreyður KÓ landar þremur dýrum í kvöld við Hafnarfjarðarhöfn og hafa því landað 22. dýrum þetta sumarið.  Dýrin sem veiddust í þessarri ferð voru öll í minni kantinum, tveir tarfar og eitt kvendýr. Kjötið af dýrunum er mjög gott, dýrin eru vel á sig komin en ekki orðin feit ennþá.

Hrafnreyður KÓ - 100, skip Hrefnuveiðimanna mun landa þremur dýrum við Hafnarfjarðarhöfn í fyrramálið. Þá er búið að veiða 16 hrefnur þetta árið. Skipið mun halda strax út aftur, enda mikið líf í flóanum og veðurútlit ágætt næstu daga.

 Kíktu á Hrefnuveiðimenn á facebook. Þú finnur okkur undir "Hrefnukjöt - Hrefnuveðimenn" - þar er hægt að fylgjast með daglegum færslum frá okkur og finna ýmsar upplýsingar.

 Veður var frekar leiðinlegt í gær þegar Hrafnreyður var við veiðar í Faxaflóa. Það náðist þó að taka eitt dýr og hafa Hrefnuveiðimenn því tekið 13 dýr það sem af er sumri. Kjötið kemur til vinnslu í dag og verður til dreifingar í fyrramálið. 

 Hrafnreyður KÓ - 100 leggur af stað til veiða í fyrramálið. Stefnan verður sett á Faxaflóa. Hrefnuveiðimenn hafa landað 12 hrefnum það sem af er þessu sumri. Verslanir hafa tekið vel við kjötinu og er kjöt komið í allar verslanir landsins.

Hrefnuveiðimenn bjóða upp á tvær tegundir af marineruðu hrefnukjöti og síðan er hreint vakúmpakkað hrefnukjöt í neytendapakkningum einnig í boði. Þá er hægt að komast yfir hrefnukjöt í kjötborðum verslanna.

Reykt hrefnukjöt í neytendapakkningum er einnig í boði í flestum verslunum. Kjötið er þunnt skorið og vakúmpakkað í 130 gr. pakkningar. 

 Hrafnreyður KÓ - 100 veiddi sitt tíunda dýr í Faxaflóa í dag. Mikið líf er komið í flóann og mikið um hrefnu. Dýrið sem veiddist í dag reyndist þokkalegt kvendýr og verður því landað við Hafnarfjarðarhöfn í fyrramálið.

Mikil aukning hefur verið á sölu áhrefnukjöti til erlendra ferðamanna á síðustu árum. Fjöldi veitingahúsa sem selja hrefnukjöt hefur aukist og fer að mestu leyti fram yfir sumarið á meðan erlendir ferðamenn eru sem flestir á landinu. 

Þeir ferðamenn sem koma til landsins virðast flestir vita til þess að íslendingar eru að veiða hvali og að neysla á hvalkjöti sé eitthvað sem fyglir sögu þjóðarinnar. 

Veitingamenn staðfesta að mikið sé um að ferðamenn fari fyrst í hvalaskoðun og gæði sér síðan á hrefnusteik í kjölfarið. Þessi þróun er virkilega jákvæð og sýnir að hvalaskoðun og hvalveiðar geta vel farið saman. Meira mætti þó vera um samstarf á milli þessarra greina og mætti jafnvel fara að bjóða upp á hrefnukjöt í hvalaskoðunarferðum!!

Hrafnreyður KÓ - 100 veiddi tvær hrefnur í dag og er því búin að veiða átta hrefnur það sem af er sumri. Dýrin voru nokkuð vel á sig komin miðað við árstíma. Rúmlega átta metra langur tarfur, en hitt dýrið var öllu minna kvendýr. Afurðir af dýrunum verður komið í kjötvinnslu Hrefnuveiðimanna og unnið að því að koma kjötinu í verslanir fyrir helgina.

Skip Hrefnuveiðimanna mun væntanlega halda út aftur þegar veður leyfir.

Hrafnreyður KÓ - 100 landaði sínu fimmta dýri nú í kvöld við Hafnarfjarðarhöfn. Hrefnan var nokkuð vel á sig komin, feitur rúmlega sjö metra tarfur. Skip Hrefnuveiðimanna hafði ekkert komist á veiðar undanfarna daga vegna brælu. Veðurútlit er nokkuð gott fyrir næstu daga og stefnan því sett á að ná nokkrum dýrum á næstu dögum. 

Hrefnuveiðimenn munu vinna að pökkun og dreifingu á reyktu og gröfnu hrefnukjöti næstu daga.

Reykt hrefnukjöt seldist mjög vel allt síðasta ár, en hefur ekki verið á boðstólnum síðustu vikur. Kjötið er taðreykt að gamla laginu af Hnýfli ehf. á Akureyri. Hnýfill hefur náð því besta út úr hrefnukjötinu með því að reykja það með sínum hætti og var varan m.a. valin forréttur ársins af áramótablaði Gestgjafans 2010.

Grafið hrefnukjöt er unnið af Hrefnuveiðimönnum ehf. eftir uppskrift frá Stefáni Úlfarssyni matreislumeistara á Þremur Frökkum. Kjötið er sérvalið og aðeins notast við úrvals hráefni. Undirstaðan er bláberjagrautur og timjan. Vara sem sannarlega hægt er að mæla með.

Vörurnar verða komnar í verslanir fimmtudag og föstudag.

Hrafnreyður KÓ - 100 veiddi tvær hrefnur í Faxaflóa sl. laugardag. Bæði dýrin voru meðalstór kvendýr. Kjötið af dýrunum var unnið í gær í kjötvinnsluhrefnuveiðimanna og verður til dreifingar í vikunni.

Skipverjar á Hrafnreyði fóru út í morgun og ætla að vera við veiðar í dag.

Hrefnuveiðimenn hafa veitt fyrstu hrefnur sumarsins og var þeim landað við Hafnarfjarðarhöfn í kvöld. Dýrin voru frekar mögur, en kjötið fallegt að sjá. Vinnsla Hrefnuveiðimanna mun vinna kjötið af dýrunum í fyrramálið og stefnt er að því að kjötið verði komið í verslanir á mánudagsmorgun.

Hrafnreyður KÓ - 100 mun halda til veiða í fyrramálið frá Hafnarfjarðarhöfn. Skipið fór út í leiðindaveðri fyrir nokkrum dögum og sáust nokkrar hrefnur sem hurfu fljótt í ölduna. Veðrið er öllu betra um helgina og því allar líkur á því að fyrsta hrefna sumarsins verði veidd á morgun(Laugardag).

Skipverjar ætla þó að vera við  veiðar einnig á sunnudag og verður því vonandi nýtt og ferskt hrefnukjöt í verslunum landsins í næstu viku.

Hrafnreyður KÓ-100 mun halda út í fyrramálið frá hafnarfjarðarhöfn til veiða á hrefnu í Faxaflóa. Veðrið hefur tafið nokkuð fyrir upphafi hrefnuveiðitímabilsins, en áætlað er að fara í fyrramálið þrátt fyrir að spá sé ekkert sérstaklega góð.

Hrefnuveiðimenn munu vinna allt hrefnukjötið í sumar í kjötvinnslu sinni að Grandatröð 4 í Hafnarfirði og verður dreift í allar verslanir og veitingastaði sem bjóða upp á hrefnukjöt. Kjötið verður með svipuðu sniði og undanfarin ár, marinerað tilbúið beint á grillið eða hreint kjöt í vakúmpakkningum. Gera má ráð fyrir að kjötið verði komið í flestar verslanir í næstu viku.

Hrefnuveiðimenn ehf. hafa flutt starfsemi sína í stærra og hentugra húsnæði við Grandatröð 4 í Hafnarfirði. Um er að ræða eldra fiskvinnsluhúsnæði þar sem auðveldara verður að taka á móti dýrum og vinna fyrir innanlandsmarkað.

Einnig er steft að því að frysta fisk og pakka fyrir innlenda og erlenda markaði.

Skip Hrefnuveiðimanna, Hrafnreyður KÓ verður einnig flutt yfir í Hafnarfjörðinn og því landað við Hafnarfjarðarhöfn á komandi sumri.

Nú hafa Hrefnuveiðimenn hafið dreifingu á hrefnukjöti í frystiborð verslnanna. Úrvals hrefnukjöt á því að vera til í öllum frystiborðum verslanna í vetur. Einnig verður til sölu reykt hrefnukjöt í forréttarpakkningum, en reykt hrefna hefur slegið í gegn í sumar og alveg þess virði að prufa hana.

Hrafnreyður KÓ - 100 lagði af stað í sína síðustu veiðiferð þetta árið í morgun frá Kópavogshöfn. Stefnan var sett á Faxaflóa, en þar á að veiða síðasta dýr sumarsins. Stefnt er að því að hrefnunni verði landað á sunnudag og dýrið síðan unnið í neytendapakkningar í næstu viku.

Það verður því nýtt hrefnukjöt í verslunum í næstu viku.

Hrefnuveiðimenn vinna nú að því að breyta skipi sínu Hrafnreyði KÓ - 100 í ferða- og skoðunarskip. Ekki verður þó um það miklar breytingar að ræða að skipið verði óhæft til að halda hrefnuveiðum áfram. Einungis er um að ræða breytingar er snúa að öryggi farþega og fleira.

Þá verður sett upp fræðsla á millidekki með myndum af hrefnuveiðum fyrr og nú. Einnig verða þar til sýnis ýmsir hlutir af og úr hrefnu, s.s. hjarta, heili, sporður, skíði og fleira.

Í ferðunum er ekki ætlunin að skjóta dýr, heldur einungis að skjóta "vind" skoti úr byssunni með tilheyrandi látum. Boðið verður uppá hrefnukjöt í ferðunum og fólki gefin kostur á að kaupa sér eitthvað til að skola því niður með.

Matseðilinn verður nokkuð fjölbreyttur þó aðeins sé um að ræða hrefnujöt og má þar helst nefna..

Grillað hrefnukjöt

Hrátt hrefnukjöt  með wasabi, engifer og soya sósu

Grafið hrefnukjöt í melónu

Reykt hrefnukjöt

Þurrkað hrefnukjöt

og svo að sjálfsögðu súran hval

Sérstök heimasíða hefur verið sett upp fyrir erlenda ferðamenn og aðra www.whaler.is

Skipverjar á Hrafnreyði KÓ lönduðu þremur dýrum í morgun við Kópavogshöfn. Dýrin voru öll veidd í Faxaflóanum í gær. Lífið er mikið í Faxaflóa þessa dagana, hreinlega allt fullt af hrefnu. Hrefnurnar voru allar meðalstórar eða um 7 metrar að lengd. Dýrin eru farin að ná góðum forða á sig og eru orðin mun feitari núna en fyrr í sumar, jafnvel feitari en í fyrra. Magainnihald er yfirleitt svipað í faxaflóanum, síli að mestum hluta.

Hrafnreyður KÓ - 100 landaði þremur dýrum nú undir kvöld. Tveir tarfar, báðir frekar stórir og eitt kvendýr. Þar með hafa Hrefnuveiðimenn dregið að landi 42 dýr í sumar. Kjötið af dýrunum verður skorið í neytendapakkningar í fyrramálið og dreift í verslanir fyrir helgi.